فتحى الطحاوي يكتب عن أمه : ماتت معها الضحكة الحلوة

يكتب فتحي الطحاوي نائب أول رئيس شعبة الأدوات المنزلية والأجهزة الكهربائية بغرفة القاهرة التجارية فيقول : الله يرحم امي عاشت طيبة وغلبانة عاشت في حالها كل همها ولادها كل همها رعايتهم وراحتهم

ولما ماتت ماتت معها الكلمة الحلوة والدعوة الجميلة راح معها طعم الحنية وطعم الطبطبة والقلب الابيض من غير مصلحة وطول ما هي عايشة كنت فاكر ان انا سندها وظهرها بس لما فارقتني عرفت انها هي السند والظهر
وهي عايشة كنت فاكر ان هي قوية بي
ولما فارقت عرفت انها هي اللي كانت
مقوياني. اي حد امه عايشة يبوس يديها وقدميها ويشبع منها زيارات وقعدة لانها امور مش هتتعوض
اشبع من حضنها ورائحتها ودعواتها
اشبع من حنيتها ليك
وضحكتها ليك وهزارها معاك. دعوتها ليك وخوفها وقلقها عليك. لهفتها لما تتاخر عليها حتي وانت متزوج ومخلف شايفاك لسة صغير ولازم تتدلع وتشبع من حنانها

رحمة الله عليها وعلي كل امهات مصر.