أطلقت وزارة التربية والتعليم نظاما جديدا بديلا للامتحانات العادية فى سنوات النقل بدءا من الصف الثالث الابتدائى وحتى الصف الثالث الاعدادى ، فى محاولة لتقييم الطلاب دون الاخلال بقرارات تعطيل الدراسة والغاء جزء من مناهج التيرم الثانى ، كجزء من خطة الدولة فى مكافحة تفشى فيروس كورونا القاتل .
ويعتمد النظام البديل على قيام الطالب بتقديم مشروع بحث عن طريق منصة الكترونية سيتم اطلاقها الخميس المقبل ، وتسهيلا على الطلبة وأولياء الأمور قامت الوزارة بتلخيص وشرح ماهية تلك الأبحاث عبر الاسئلة والأجوبة التالية :
س : ايه البحث ده وازاى الطلبة تعمله ؟
ج : الطالب هيفتح موقع كود الاختبارات الخاصة بالوزارة بالرقم القومى الخاص به ولكل طالب كود خاص به لكل المواد وده الرابط بتاعه http://studea.emis.gov.eg/
س : بعد ما ياخد الكود هينمل ايه بالكود ده
ج : احتفظ بالكود ده لانه هو الكود اللى الوزارة هتبعت لك الاختبارات عليه بعد يوم 2 ابريل
س : يعنى هفتح الموقع تانى علشان اشوف الاختبارات المطلوبة منى فى كل مادة صح كدة
ج : بالضبط كدة
س : وطيب وبعد كدة ؟
ج : تشوف اختبار كل مادة اسئلتها ايه وتحاول تجاوبها فى ورق عادى او مطبوع زى ما تحب بس بشرط عدم النقل من الاخرين او يكون جاهز من المكتبات
س : وبعد ما انتهى من البحث المطلوب فى المادة اعمله بيه ايه
ج: هتفتح صفحتك على موقع اسمه ادمو الرابط بتاعه ده https://edmodo.org/ وهو منصة تعليمية بها صفحة لكل طالب هتدخلها بالرقم القومى بتاعك برضه
س : يعنى ده موقع تانى غير موقع الاكواد
ج : ايوة بالضبط كدة
س: بعد ما افتح الموقع ده وافتح صفحتى عليه اعمل ايه فيه؟
ج: هترفع البحث بتاعك بصيغة ورد WORD او بى دى افPDF على المنصة الالكترونية
س : يعنى ايه ارفعه على المنصة ؟
ج : يعنى انت هتكتبه فى الكمبيوتر عادى كانك بتكتب اى ورقة وهتعملها حفظ على سطح المكتب مثلا باسم اختبار رياضيات وبعد ما تفتح موقع ادمو هتدخل على صفحك هتلاقى فى رمز او ايكونة عليها رفع الملفات ( او تحميل ملفات ) هتضغط عليها هيفتح معاك نافذة علشان تشوف مكان حفظ ملفك انت حافظه فين واول ما تلاقيه هتضغط عليه ثم تضغط على كلمة موافق هيترفع معاك الملف ويقولك تم التاكيد
س : وكدة خلاص
ج : ايوة بس انت حملت اختبار مادة واحدة هتعمل نفس الكلام مع باقى اختبارات باقى المواد المطلوب منك ابحاث فيها
س : وهتظهر لى نتيجتى مباشرة
ج: لا طبعا لسه المعلمين هيدخلوا على المنصة الالكترونية ويشوفوا كل بحث من ابحاث الطلبة بتوعه
س طيب مثلا انا ماعنديش نت ومش بفهم فيه وامكانياتى المادية ماتسمحليش اروح سيبر او كافيه نت اعمل ايه
ج: الوزارة بتسهل عليك الموضوع وبتقولك مدام كتبت البحث وطبعته وماعندكش امكانية ترفعه ممكن تسلمه باليد الى ادارة المدرسة اللى انت فيها
س : طيب افترض مثلا انا كبرت ادماغى وماعملتش البحث ده ايه اللى هيحصل يعنى
س: هتضطر تيجى قبل زمايلك السنة الجاية باسبوعين قبل الموعد الرسمى للدراسة وبرضه لازم تقدم بحثوالا الوزارة هتعتبرك راسب وتعيد السنة
س : والكلام ده لحد امتى ؟
ج : معاك شهر ونصف يعنى لحد 15/5/2020 م
س : طيب الاختبار ده فى المنهج كله ؟
ج : طبعا لا الوزارة قالت الاختبارات فى المنهج لحد 2020/3/15 م بس يعنى اللى بعد كدة مالكش دعوة بيه
س : طيب الاسئلة ايه نوعها ؟
ج : اسئلة سهلة وبسيطة تعتبر زى الواجب المنزلى اللى بتحله فى البيت
